Sipas disa raportimeve të shumta sot, Milan i ka thënë Theo Hernandez që të kërkojë një klub të ri pas refuzimit të kërkesave të tij për një kontratë të re, por lojtari nuk është i bindur nga oferta e Al-Hilal.
Mbrojtësi i majtë ka kontratë të vlefshme deri në qershor të vitit 2026, prandaj nëse nuk arrihet një rinovim në mënyrë të menjëhershme, ai duhet të shitet gjatë këtij afati veror për të shmangur rrezikun e largimit si lojtar i lirë.
Agjenti i tij, Manuel Quilon, mbërriti në zyrat e klubit këtë pasdite për një takim me drejtorin e ri sportiv, Igli Tare, dhe duket se vendimi i Milanit ka qenë i prerë.
Sipas Calciomercato.com, Sportitalia dhe burimeve të tjera, kërkesa e lojtarit për një pagë prej 7-8 milionë euro në sezon është refuzuar si krejtësisht jorealiste. Kjo shumë do ta dyfishonte pagën aktuale të Theo Hernandez, e cila është rreth 4 milionë euro neto në vit.
Agjentit i është kërkuar të gjejë një klub të ri për lojtarin, dhe raportimet tregojnë se palët tashmë kanë rënë dakord për një çmim shitjeje.
Al-Hilal është në kontakt të drejtpërdrejtë me Milanin dhe ofron një pagë prej 18 milionë eurosh në sezon për francezin, por Theo Hernandez dëshiron të vazhdojë karrierën e tij në Evropë.
27-vjeçari kishte shpresuar për një rikthim te Real Madrid, por duket se klubi spanjoll është i përqendruar në objektiva të tjerë, gjë që mund të hapë rrugën për një rikthim të interesit nga Manchester United.
Duke qenë se ai u ble nga Real Madrid në vitin 2019 për 22.8 milionë euro, çdo shitje aktuale do të përfaqësonte një fitim të konsiderueshëm për Milanin.
