Barcelona ka kryer disa operacione të rëndësishme gjatë vitit 2025. Veçanërisht, është punuar në rinovimet e kontratave, dhe një marrëveshje tjetër e rëndësishme duket se do të finalizohet në javët e ardhshme.
Në dy javët e fundit, Barcelona ka finalizuar rinovimin e kontratës për një vit me Hansi Flick, dhe së shpejti do të shpallë edhe kontratën e re me Lamine Yamal. Përveç kësaj, ekzistojnë plane që të finalizohen kontratat e reja me Jules Kounde, dhe mundësisht edhe me Eric Garcia.
Një marrëveshje tjetër në të cilën do të punojë drejtori sportiv Deco përfshin portierin Wojciech Szczesny.
Barcelona ka qenë e interesuar që veterani polak, i cili nënshkroi me klubin në tetor, të zgjasë qëndrimin e tij, gjë që u konfirmua edhe nga ai vetë në fillim të këtij muaji.
Pasi mori kohën e tij për të menduar, thuhet se ai ka vendosur të qëndrojë te kampionët e La Ligas për të paktën një sezon tjetër.
Sipas raportimit të GOAL Polska , Szczesny ka vendosur të nënshkruajë një kontratë të re me Barcelonën, pavarësisht nga fakti se mund të ketë më pak minutazh në sezonin e ardhshëm për shkak të rikthimit në formë të plotë të Marc-André ter Stegen dhe gjithashtu mundësisë së ardhjes së një portieri tjetër.
Sipas burimit, Szczesny do të pranojë ofertën për një kontratë njëvjeçare që është në tavolinë, ku marrëveshja përfshin edhe një opsion për të zgjatur qëndrimin e tij me 12 muaj të tjerë, deri në verën e 2027, një moment në të cilin ai do të jetë 37 vjeç.
Szczesny pati një fillim të vështirë si portier titullar i Barcelonës në janar, por pas disa javësh, ai e justifikoi vendimin e Flickut për ta vendosur atë titullar para Inaki Penas.
Ai luajti një rol kyç në suksesin e blaugranasve në La Liga dhe Kupën e Mbretit dhe tani shpreson të përsërisë këtë sukses edhe në sezonin e ardhshëm.
