Të dielën pasdite u raportua se në afërsi të ordinancës së gjinekologut, Afrim Veliu, u gjetën mjetë shpërthyese.
Në lidhje me këtë, lajmi.net ka kontaktuar me Prokurorinë Themelore e cila tha se Policia e Kosovës është autorizuar për mbledhjen e informacioneve.
“Prokurori i shtetit ka inicuar rastin ”Shkaktim i rrezikut të përgjithshëm” bazuar nga Kodi Penal të Republikës së Kosovës. Prokurori i shtetit ka autorizuar Policinë e Kosovës për mbledhjen dhe grumbullimin e informacioneve të nevojshme lidhur me këtë çështje.”, thuhet në përgjigjen e Prokurorisë Themelore në Prishtinë.
Në lidhje me këtë rast, Aokati i Veliut, ka refuzuar të deklarohet, duke thënë se nuk ka çka flet për këtë çështje.
Me 20 maj, gjinekologu Veliu ishte sulmuar në lagjen Ulpiana, ku ishte goditur me mjete metalike në kokë, pastaj është dashur të marr trajtim mjekësor.
Për atë që kishte ndodhur kishte folur edhe vetë gjinekologu, i cili kishte deklaruar se sulmi nuk ndërlidhet me punën e tij dhe se nuk ka dyshim për ndonjë person apo për ndonjë çështje.
“Nuk i di motivet, për besë. Po më duket e rastësishme më shumë. Mirë jam shumë, super”, kishte deklauar Veliu
