Dy persona janë arrestuar në orët e vona të së dielës në Gërmi, pasi ata fillimisht e kanë sulmuar një kamerier dhe më pas dy zyrtarë policorë, të cilët ishin në rroba civile.
Kështu thuhet në raportin 24-orësh të Policisë, ku sqarohet se kjo ngjarje ndodhi rreth orës 22:00.
“Parku i Gërmisë, Prishtinë 07.08.2022 – 22:00. Janë arrestuar dy të dyshuar meshkuj kosovarë, pasi që fillimisht kanë sulmuar kamerierin dhe më pas dy zyrtarët policorë, të cilët ishin në rroba civile”, thuhet në njoftim.
Bëhet e ditur se me vendim të prokurorit, të dyshuarit e arrestuar janë dërguar në mbajtje për 48 orë deri në marrjen e një vendimi tjetër nga organet e drejtësisë./KosovaNews/
