Policia ka arrestuar katër persona të dyshuar në Dumnicë të Podujevës.
Të dyshuarit raportohet të jenë përfshirë në një përleshje mes vete, dje rreth orës 19:29.
Sipas policisë, dyshohet që një armë AK47 është përdorur gjatë incidentit.
Arma, karikatori me 11 fishekë dhe 3 gëzhoja janë sekuestruar.
“Të dyshuarit kanë pësuar lëndime të lehta trupore, por jo nga arma e zjarrit, dhe të njëjtit kanë pranuar trajtim mjekësor”, thuhet në njoftimin e policisë.
Ata janë dërguar në mbajtje, me inicim të rastit.
