Albulena Haxhiu ka dështuar sërish të votohet për kryetare të Kuvendit.
Ajo mori vetëm 57 vota, kurse 46 deputetë ishin kundër dhe tre deputetë abstenuan
Kryesuesi i seancës, Avni Dehari pas votimit ka ndërprerë seancës, ku tha se vazhdimi i saj do të jetë ditën e premte, në ora 10:00.
Para seancës, Dehari ka takuar në takim konsultativ përfaqësuesit e subjekteve politike.
Kuvendi ka mbetur pa zgjedhur kryeparlamentarin, pasi LVV më 19 prill, propozoi Albulena Haxhiun për kryetare të Kuvendit, por e njëjta edhe në raundet e mëhershme ka marrë vetëm 57 vota.
LVV thotë se nuk do ta ndërrojë kandidaten për kryeparlamentare, ndërsa ka kërkuar marrëveshje politike për zgjedhjen e Albulena Haxhiut.
Subjektet politike, LDK dhe PDK vazhdojnë të kundërshtojnë Haxhiun për këtë post, ndërsa nga AAK thonë se nëse LVV propozon Saranda Bogujevcin ose Shqipe Mehmeti Selimin, do të ndryshojnë qëndrim./Telegrafi/
