Linjave ajrore u është kërkuar të ndryshojnë rregullat për pasagjerët me mbipeshë, pasi një foto e një udhëtari në fluturim u bë virale në internet.
Grupi hip-hop Pretty Ricky, nga Miami, Florida, shkoi në Facebook për të ndarë foton e diskutueshme të burrit teksa u përpoq të ulej në ulësen e tij gjatë një fluturimi nga Helsinki në Kopenhagë vitin e kaluar.
Fotoja fillimisht u nda nga Christopher Elliott, nga Uashington D.C, i cili shkoi në faqen e tij në Facebook, një organizatë jofitimprurëse e mbrojtjes së konsumatorëve, për të treguar vështirësinë e pasagjerit për të hipur në fluturim.
Krijuesit e hiteve Grind With Me nga mesi i viteve 2000, pretenduan se linjat ajrore kanë përgjegjësinë të ‘të kenë diçka në vend’ për të akomoduar të gjithë, transmeton Telegrafi.
“Linjat ajrore do të duhet të kenë diçka për pasagjerët me mbipeshë. Ky imazh është bërë së fundmi në një fluturim duke treguar se sa e vështirë është për njerëzit që janë më të mëdhenj se një vend. Është gjithashtu e vështirë për ata që ulen pranë tyre. Është një situatë e vështirë sepse linja ajrore do të duhet të mendojë për një medium të lumtur”, shkruan ata.
Postimi ndezi një debat dhe grumbulloi mbi 1600 komente me shumë që sugjeronin se pasagjerët më të mëdhenj duhet të paguajnë për dy vende, nëse nuk mund të përshtaten në një.
