Një person i dyshuar është arrestuar për fajde, armëmbajtje pa leje dhe posedim të paautorizuar të narkotikëve.
Policia e Kosovës njofton se rasti ka ndodhur në Suharekë, ndërsa gjatë kontrollit të shtëpisë, banesës dhe objekteve përcjellëse, janë sekuestruar dy pistoleta, municion, veturë e narkotikë.
“Me 16.04.2025 DHKR me DHTN në bashkëveprim me Prokurorin Themelore Prizren kanë kontrolluar shtëpinë–objektet përcjellëse, automjetin dhe një banesë me qira e të dyshuarit mashkull kosovar, me ç’rast si prova materiale janë gjetur dhe konfiskuar: dy pistoleta, dy karikator me 9 copë fishekë, një armë automatike me 81 copë fishekë, një automjet, 1 kg e 57 gram narkotikë të llojit marihuanë, një peshore elektronike, dy grinder, dhe dy telefona mobil”, thuhet në raportin 24 orësh të policisë.
Sipas policisë, i pandehuri dyshohet edhe për fajde, i njëjti u arrrestua dhe me vendim të prokurorit është dërguar në mbajtje.
