Një aksion i zhvilluar nga Drejtoria për Hetimin e Trafikimit me Narkotikë në bashkëpunim me Prokurorinë Themelore në Prizren, ka arrestuar një person të dyshuar në Suharekë, të mërkurën.
Sipas njoftimit të Policisë së Kosovës, gjatë kontrollit në shtëpinë e tij, objektet përcjellëse, në automjet dhe në banesë me qira që ishin në përdorim të tij, janë sekuestruar:
Dy pistoleta
Dy karikatorë me 9 fishekë
Një armë automatike me 81 fishekë
1 kilogram e 57 gram marihuanë
Një peshore elektronike
Dy “grinder”-a për përpunimin e narkotikëve
Dy telefona mobil
Një automjet
I dyshuari, shtetas i Kosovës, ngarkohet me tri vepra penale, “fajde”, “armëmbajtje pa leje” dhe “posedim i paautorizuar i narkotikëve”.
Me vendim të prokurorit të rastit, ai është dërguar në mbajtje, ndërsa ndaj tij kanë nisur procedurat hetimore.
