Prokurorët në Berlin të mërkurën kanë akuzuar me 15 akuza për vrasje një mjek, të dyshuar për administrimin e sasive vdekjeprurëse të medikamenteve të ndryshme për pacientët paliativë nën kujdesin e tij.
Prokurorët po kërkojnë gjithashtu një ndalim profesional të përjetshëm për të dyshuarin 40-vjeçar, të ndaluar që nga gushti i vitit 2024, i cili kishte qenë aktiv në disa shtete gjermane, raporton Reuters.
I dyshuari, i cili nuk është bërë publik në përputhje me ligjet gjermane të privatësisë, nuk i ka pranuar akuzat, kanë njoftuar prokurorët.
Ai fillimisht dyshohej se ishte i përfshirë në katër vdekje vitin e kaluar, për të cilat prokurorët kanë thënë se ai ishte përpjekur t’i mbulonte duke i vënë flakën banesave të viktimave.
Megjithatë, hetimet në vazhdim kanë nxjerrë më shumë vdekje të dyshuara, që datojnë që nga viti 2021, dhe ky numër mund të rritet edhe më tej.
Një ekip hetimor i ngritur posaçërisht për rastin po vlerëson të dhënat e tij të pacientëve dhe janë planifikuar të tjera zhvarrime.
