Është faza çerekfinale dhe tashmë Liga e Kampionëve sjellë ballafaqimet më të fuqishme të skuadrave më të forta evropiane, ato që kërkojnë të kurorëzohen me titullin e më të mirit në këtë garë.
Sonte zhvillohen dy ballafaqime jashtëzakonisht interesante ku përballen katër prej skuadrave me histori të madhe në këtë garë dhe secila prej tyre shihet si kandidat serioz për të qenë në finale të Ligës së Kampionëve.
Në stadiumin “Emirates”, Arsenali e pret Real Madridin, skuadër kjo e cila di më së miri ta fitojë këtë garë, por anglezët duan që ta bëjnë më të vështirë kësaj radhe rrugëtimin e skuadrës së Carlo Ancelotti.
Ballafaqim po aq interesant do të jetë edhe ai që zhvillohet në stadiumin “Allianz Arean”, aty ku Bayerni e pret Interin. Skuadra italiane ka ditur të jetë rival i pakalueshëm për bavarezët në këtë garë, gjë e cila u dëshmua në vitet 2010 dhe 2012.
Të dy këto ndeshje të cilat janë të para e kësaj faze do të nisin nga ora 21:00.
