Shirat e rrëmbyeshëm dhe përmbytjet kanë vrarë të paktën 33 njerëz në Kinshasa – kryeqyteti i Republikës Demokratike të Kongos – sipas zyrtarëve.
Si pasojë, banorët e dëshpëruar po përpiqen të ikin nga përmbytjet në mënyra të ndryshme, shkruajnë mediat e huaja.
Qyteti është shtëpia e 17 milionë njerëzve dhe ndodhet në lumin Kongo, i cili është një nga më të mëdhenjtë në botë dhe shtrihet në të gjithë vendin.
Floods in Kinshasa, DRC pic.twitter.com/nupFyZ2o3K
— African Hub (@AfricanHub_) April 7, 2025
Përmbytjet janë të zakonshme – lumi kohët e fundit arriti nivelin e tij më të lartë në gjashtë dekada.
Pjesë të kryeqytetit janë të prirura ndaj erozionit të tokës dhe vitet e fundit presidenti kongolez ka paralajmëruar se kriza klimatike po i përkeqëson përmbytjet.
Kinshasa 🥺🥺😥😢 pic.twitter.com/GFWK9BIxd2
— 𝕄𝕣 𝕜𝕖𝕖𝕓𝕖 🇨🇩 (@Patrick_keebe) April 6, 2025
Kështu, shumë shtëpi në Kinshasa perëndimore u shkatërruan pas përmbytjeve gjatë natës nga e premtja në të shtunën.
Rreth gjysma e 26 rretheve të qytetit janë prekur në total, sipas kryebashkiakut të kryeqytetit, i cili thotë se ekipet e kërkim-shpëtimit janë dërguar për të ndihmuar.
#Kinshasa se #meurt sous nos yeux endormis. Ses rues, jadis pleines, ne sont plus que sursis. Les eaux ont noyé les rires et les danses, et la ville s’enfonce dans une profonde angoisse.
— Patrick Kabeya Bilambo (@BilamboPat30382) April 6, 2025
Les Kinois, lassés, portent ce lourd chagrin d’une ville qui s’efface, qu’on regarde de loin. pic.twitter.com/gRt0z1Vxsc
Më të prekura janë periferitë e qytetit si dhe disa nga lagjet e tij më të varfra.
“Uji ka arritur 1.5 metra lartësi. Ne sapo kemi arritur të shpëtojmë veten, pjesa tjetër është bllokuar në shtëpi”, tha Christophe Bola, i cili jeton në zonën Ndanu për agjencinë e lajmeve AFP.
