Kongresmeni amerikan përshëndet kërkesën e presidentes së Kosovës për pezullim të tarifave të importit për produktet amerikane

Anëtari i Kongresit amerikan, republikani Carlos A. Gimenez ka përshëndetur kërkesën e presidentes Vjosa Osmani drejtuar Qeverisë së Kosovës për të pezulluar tarifat doganore ndaj produkteve me origjinë nga Shtetet e Bashkuara.Kongresmeni Gimenez përmes një postimi në rrjetin sociale “X” ka thënë se shembullin e presidentes Osmani duhet ta ndjekin edhe aleatët  e tjerë europianë të SHBA-së.“Faleminderit zonja Presidente! Kjo është pritur mirë në Shtetet e Bashkuara dhe aleatët tanë të tjerë në Europë duhet të ndjekin shembullin tuaj”- ka shkruar kongresmeni Gimenez në “X”.