Interi ka arritur të shënojë fitore ndaj Udineses me rezultat 2-1 në kuadër të javës së 30-të të Serie A.
Interi e nisi më mirë ndeshjen, duke krijuar raste dhe duke marr epërsinë që në start.
Marko Arnautovic arriti të shënojë në minutën e 12-të për 1-0, me një goditje të saktë nga brenda zonës.
Në minutën e 29-të, Interi shtoi epërsinë, kur Davide Frattesi shënoi me një goditje të fortë për 2-0.
Fillimi i pjesës së dytë ishte i qetë, me Interin që menaxhonte, ndërsa Udinese tentonte të organizonte sulme.
Udinese arriti të zbusë epërsinë e vendasve në 2-1 me një gol të shënuar nga Oumar Solet i cili mposhti Yann Sommerin.
Solet kishte një rast të mirë në kohën shtesë për të barazuar shifrat, por Sommer bëri pritje të madhe.
Interi mbetet lider me 67 pikë dhe pret ndeshjen e Napolit ndaj Milanit për të parë diferencën.
