Astronomët kanë zbuluar një galaksi spirale të re, të quajtur “2MASX J23453268−0449256”, që ndodhet rreth 1 miliard vite dritë larg Tokës, me një vrimë të zezë supermasive në qendër të saj.
Sipas raportimeve nga Space.com, kjo vrimë e zezë është miliarda herë më e madhe se masa e Diellit dhe lëshon rreze radioaktive me gjatësi 6 milion vite dritë. Këto rreze janë aq të fuqishme sa mund të shkatërrojnë plotësisht çdo formë jete në galaksi, tranmeton KosovaNews.
Rrezet radioaktive, kërcënim potencial për Tokën
Astronomët theksojnë se zakonisht këto rreze të fuqishme radioaktive vërehen në galaksitë eliptike, ndërsa zbulimi i tyre në një galaksi spirale është një fenomen i pazakontë. Ata shtojnë se nëse këto rreze do të drejtoheshin drejt Sistemit Diellor, do të shkatërronin atmosferën e planetëve dhe do të shkaktonin zhdukje masive.
Galaksia me 10 herë më shumë materie të errët se Rruga e Qumështit
Një tjetër fakt tronditës është se kjo galaksi e re përmban 10 herë më shumë materie të errët se galaksia jonë, Rruga e Qumështit. Astronomët janë të habitur se si kjo galaksi ka arritur të mbijetojë pavarësisht rrezeve të fuqishme radioaktive që lëshon vrima e zezë në qendër të saj.
Ky zbulim hap rrugë për studime të mëtejshme mbi galaksitë dhe vrimat e zeza supermasive, duke na ndihmuar të kuptojmë më mirë universin tonë./KosovaNews/
