Tërmetet e mëdha që goditën Mianmarin u ndjenë edhe në provincën Yunnan të Kinës jugperëndimore. Momente prekëse janë kapur nga kamerat, ku infermieret në repartin e lindjes përpiqen të mbrojnë foshnjat e porsalindura.
Tërmetet me magnitudë 7.7 dhe 6.4 në Mianmar u ndjenë edhe në qytetin Ruili në Yunnan. Gjatë lëkundjeve, infermieret mbajtën me duar inkubatorët dhe u përpoqën të mbronin foshnjat.
Xiong Jielan, një infermiere në qytetin Ruili, tha: “Tërmeti ndodhi papritur, nuk pata kohë të mendoja. E vetmja gjë që mendova ishte të mbroja foshnjën.”
Në Mianmar, numri i viktimave nga tërmeti ka kaluar mbi 1 mijë dhe numri i të plagosurve është raportuar 2,376. Instituti Gjeologjik i Shteteve të Bashkuara (USGS) paralajmëron se numri i të vdekurve mund të tejkalojë 10 mijë.
Qeveria ushtarake shpalli gjendjen e jashtëzakonshme në disa rajone dhe bëri thirrje për dhurime gjaku. Ndërkohë, në Tajlandë numri i viktimave u rrit në 10.
