Një burrë dhe një grua janë arrestuar në Graçanicë, të dyshuar për shpërlarje të parave. Policia po ashtu lidhur me rasrtin ka bastisur dy lokacione në rajonin e Gjakovës, ku ka sekuestruar kontrata të ndryshme dhe para në vlerë prej 55 mijë euro.
“Graçanicë / Vitet 2023-2024. Më 12.03.2025 me qëllim të sigurimit të provave shtesë lidhur me rastin janë arrestuar një mashkull kosovar dhe një femër kosovare si dhe janë kryer bastisje në dy lokacione në rajonin e Gjakovës ku janë sekuestruar kontrata të ndryshme dhe para në vlerë prej 55 000€. Të dyshuarit pas intervistimit me vendim të prokurorit janë liruar në procedurë të rregullt”, thuhet në raportin e policisë.
