Aktori amerikan fitues i çmimit Oscar, Gene Hackman dhe gruaja e tij Betsy Arakawa janë gjetur të vdekur në shtëpinë e tyre në Santa Fe, New Mexico, sipas raportimeve.
Në një karrierë që zgjati më shumë se gjashtë dekada, ai mori dy çmime Oscar, dy Bafta, katër Golden Globes dhe një Çmim Screen Actors Guild.
Një deklaratë nga Sherifi i Qarkut Santa Fe në New Mexico tha: “Ne mund të konfirmojmë se si Gene Hackman dhe gruaja e tij u gjetën të vdekur të mërkurën pasdite në rezidencën e tyre në Sunset Trail. Shkaku i saktë i vdekjes nuk është përcaktuar në këtë moment”.
Hackman ishte 95 vjeç dhe gruaja e tij 63.
Aktori shumë i njohur Hackman luajti më shumë se 100 role duke përfshirë Lex Luthor në filmat e Superman në vitet 1970 dhe 1980.
Ai gjithashtu luajti në filmat hit “Raway Jury” dhe “The Conversation”, si dhe në “The Royal Tenenbaums” të Wes Anderson.
Paraqitja e tij e fundit në ekranin e madh erdhi si Monroe Cole në Welcome to Mooseport në 2004.
