Tashmë kur janë numëruar votat e rregullta për zgjedhjet parlamentare të 9 shkurtit, në ëeb faqen e KQZ janë publikuar të dhëna të sakta për çdo qendër votimi.
Në komunën e Prizrenit po prinë bindshëm Lëvizja Vetëvendosje me rezultat 40.89 % ndërsa në vendin e dytë është PDK-ja me 22.85%, në të tretin LDK me 10.87% dhe AAK-NISMA me 5.2 %.
Por edhe pse kjo komunë udhëhiqet nga Partia Demokratike e Kosovës me kryetar Shaqir Totaj kjo nuk ka reflektuar tek votuesit, madje në fshatin Gjonaj të Hasit i cili është vendlindja e kryetarit të Prizrenit, Totaj ka pësuar një debakël duke u renditur në vendin e tretë.
Sipas të dhënave të KQZ në fshatin Gjonaj ka fituar bindshëm VV-ja me 49.79% e pasura nga LDK me 23.52% të votave ndërsa në vendin e tretë është PDK-ja me 21.73% të votave.
