Bashkimi Demokratik për Integrim ka vijuar takimet me qytetarët. Në Bërvenicë kreu i BDI-së, Ali Ahmeti, ka thënë se qeveria e tashmë në Maqedoni të Veriut është nënçmuese për shqiptarët.
Ahmeti ka theksuar se gjuha shqipe nuk guxon të preket dhe se një veprim të tillë anti-shqiptar as në ëndrra mos ta shohin qeverisja aktuale.
“Këto ëndrra të mos i shohin pikë së pari. Shqiptarët vet, një dekadë 10 vite, e kanë mbajt Universitetin e Tetovës, deri në legalizimin në 2004. Kanë tre universitete shqiptarët. Këto ëndrra ato mos i shohin. Prandaj të mos i manipulojnë dhe mos i gënjejnë qytetarët e vet, se kthim prapa nuk ka. Kthim pas nuk ka! Të gjitha të arriturat me gjak i kemi la. Kurrkush dhuratë nuk na ka dhënë! Djem nënash kalben, gjak rinie është derdhë. Prandaj çdokush duhet të reflektojë. Ne na duhet paqja, ne na duhet stabiliteti. Ne na duhet siguria. Ne na duhet ekonomia. Ne na duhet anëtarësimi i vendit në Bashkimin Evropian”, ka theksuar Ahmeti.
