Spitali Regjional “Sheik Zayed” në Vushtrri ka hapur tenderë për servisimin dhe mirëmbajtjen e impiantit për asgjësimin e mbetjeve spitalore.
Kontrata “Servisimi dhe mirëmbajtja e impiantit për asgjësimin e mbetjeve spitalore” për Spitalin Publik të Vushtrrisë ka vlerën e parashikuar 12 mijë euro.
Kriter për dhënien e tenderi është çmimi më i ulët i Operatorit Ekonomik.
Njoftimi për kontratë është bërë publik në platformën online të e- prokurimit më datën 20 korrik dhe afati i fundit për pranimin e tenderëve është 12 gusht 2022.
Asgjësimi i mbetjeve spitalor bëhet në secilin spital rajonal në vend mirëpo jo edhe asgjësimi i barnave me afat të skaduar.
Në Kosovë tash e 11 vite nuk është bërë asgjësimi i barnave në asnjë institucion shëndetësor publik, madje Ministria e Shëndetësisë nuk ka të dhëna se sa është sasia e barnave me afat të skaduar./g.shneta/
