Të premten e javës së kaluar, u vendos gurthemeli i nënstacionit policor tek Ura e Lumit Bistricë, ndërsa mëngjesin e sotëm, në një ceremoni solemne kryeministri i Kosovës, Albin Kurti bashkë me ministrin e Punëve të Brendshme, Xhelal Sveçla dhe Drejtorin e Policisë, Gazmend Hoxha vendosen gurthemelin e një nënstacioni tjetër policor, këtë herë në fshatin Izvor të Komunës së Zveçanit, vetëm dy kilometra larg kufirit me Serbinë.
Sipas Kurtit, ky objekt, i cili pritet të ndërtohet shumë shpejt, do të shërbejë si stacion për policinë kufitare dhe do të forcojë sigurinë në këtë zonë strategjike.
