Kuvendi i Kosovës ka miratuar të mërkurën, me 61 vota pro dhe asnjë abstenim, Ligjin mbi Ndarjet Buxhetore për Buxhetin e Kosovës për vitin 2025.
Miratimi i buxhetit 2025 tashmë ka kaluar edhe në lexim të dytë.
Partitë opozitare nuk morën pjesë në votim.
Më 11 nëntor, deputetët e kishin miratuar në lexim të parë këtë projektligj.
Vlera e projektbuxhetit për vitin 2025 është 9 për qind më e lartë se e buxhetit të vitit 2024, që kishte vlerën 3.3 miliardë euro.
