Ministrja e Arsimit, Shkencës dhe Teknologjisë Arbërie Nagavci ka reaguar pasi partitë opozitare PDK, AAK dhe LDK-ja kanë bërë kallëzim penal ndaj saj për subvencionimin e nxënësve me tekste shkollore.
Ministrja Nagavci ka thënë se reagimet për subvencionime me tekste shkollore ka filluar pas shkëputjes së praktikës 20-vjeçare të blerjeve milionëshe të teksteve shkollore me kontrata njëburimore, të mbushura me hallka dhe mundësi abuzimi.
Arbërie Nagavci, me këtë rast tha se Qeveria e Kosovës, përkatësisht ministrinë të cilën ajo e drejton ka krijuar një proces transparent të subvencionimit me tekste shkollore, që sipas saj është eliminuar mundësi abuzimi.
Ministrja Nagavci, po ashtu ka pohuar se partitëi opozitare janë munduar që të rikthejnë sistemin e vjetër, ku kanë krijuar edhe Komision Hetimor për subvencionim të teksteve shkollore, të cilin e ka përkrahur edhe vetë ministrja, pasi siç thotë ajo nuk kanë se çka të fshehin dhe se procesi i subvencionimit ka qenë tërësisht transparent.
“U përpoqën në çdo mënyrë dhe me çdo mjet, në media dhe në Kuvend, për ta rikthyer sistemin e vjetër, por nuk ia dolën. Së fundi, kanë krijuar Komision Hetimor, të cilin e kemi përkrahur edhe ne si grup parlamentar i Lëvizjes VETËVENDOSJE! dhe unë si ministre e Arsimit, sepse nuk kemi çfarë të fshehim.”, ka thënë Nagavci.
“PDK-LDK-AAK, të bashkuar si gjithnjë, sot paskan dorëzuar kallëzim penal ndaj meje për subvencionimin e nxënësve për tekste dhe materiale shkollore. Shumë e pritshme nga këto subjekte, kur e dimë mirëfilli se cilat grupe interesi kemi prekur.
Reagimet nisën që atë ditë kur shkëputëm praktikën 20-vjeçare të blerjeve milionëshe të teksteve shkollore me kontrata njëburimore, të mbushura me hallka dhe mundësi abuzimi. Krijuam një proces transparent të subvencionimit të drejtpërdrejtë, ku çdo formë dhe mundësi abuzimi u eliminua.
U përpoqën në çdo mënyrë dhe me çdo mjet, në media dhe në Kuvend, për ta rikthyer sistemin e vjetër, por nuk ia dolën. Së fundi, kanë krijuar Komision Hetimor, të cilin e kemi përkrahur edhe ne si grup parlamentar i Lëvizjes VETËVENDOSJE! dhe unë si ministre e Arsimit, sepse nuk kemi çfarë të fshehim.
Megjithatë, pa përfunduar punën aty dhe pa miratuar Raportin e Komisionit Hetimor, i janë drejtuar Prokurorisë Speciale me kallëzim penal. Ky kallëzim penal do të hidhet poshtë, ashtu si edhe i kaluari që u hodh poshtë javën e kaluar.
Nga librat duhet të përfitojnë së pari dhe kryesisht nxënësit, jo grupet e interesit.
Një gjë është e sigurt, pavarësisht të gjitha tentativave për t’i sprapsur vendimet tona të drejta, NE NUK DO TË NDALEMI!”, ka shkruar ministrja Nagavci në një postim në facebook.
