Ambasadori amerikan në Kosovë, Jeff Hovenier, ka mirëpritur nisjen e punës së Gjykatës Komerciale nga e hëna.
Hovenier thotë se inaugurimi i kësaj gjykate është një hap i madh përpara për rindërtimin e besimit të sektorit privat në sistemin gjyqësor të Kosovës.
“Mirëpritëm inaugurimin e Gjykatës Ekonomike të Kosovës të hënën. Kjo gjykatë, e mbështetur nga USAID do të përshpejtojë zgjidhjen e kontesteve komplekse komerciale dhe është një hap i madh përpara për rindërtimin e besimit të sektorit privat në sistemin gjyqësor të Kosovës”, ka shkruar Hovenier në Twitter.
