Lumturije Lika, gjinekologe, Shahir Pireci neonatolog e kanë lëshuar punën në Spitalin Regjional të Ferizaj për t’u tranferuar në privat gjatë këtij viti.
Për të njejtën arsye gjatë vitit 2021 e kanë lëshuar punën edhe tre mjek tjerë, Bajram Haziri, radiolog, Blerim Gashi biokimist dhe Bajram Syla, gjinekolog, ky i fundit ditë më parë ka hapur një spital privat në Ferizaj.
Largimin e pesë mjekëve e ka konfirmuar UD drejtori në Spitalin e Ferizajt, Isa Berisha.
Ai thotë se kanë mungesë të personelit shëndetësore në spital e në anën tjetër thotë se ka dërguar email tek menaxhmenti i Shërbimit Spitalor Klinik Universitar i Kosovës por asnjëherë nuk kanë marrë përgjigje.
Në repartin e Neonatologjisë aktualisht janë vetëm dy neonatolog për të cilët Berisha thotë se shërbimet neonatologjike mund t’i ofrojnë vetëm gjatë paraditës.
“Jo. Nuk janë të mjaftueshëm. E kemi shërbimin e neonatologjisë vetëm gjatë paraditës, pas orës 15:00 nuk kemi më neonatolog. I kam njoftu para 10 dite ShSUK-në edhe Bordin, dje e kam përsërit të njejtën email. Nuk është paraqit askush nga ShSKUK”, sqaron ai.
Berisha shton se kanë në plan të hapin konkurs.
Kushtet e punës, kujdestaritë, paga të ulëta e vlerësimi i dobët janë disa nga arsyet që mantelbardhët kanë vendosur të heqin dorë nga puna e shtetit për një punë në privat.
Klinika e Pediatrisë në QKUK ka mbetur pa gjashtë specialist të pediatrisë pasi që ata janë transferuar në privat. /G.shneta/
