Ministrja e Punëve të Jashtme dhe Diasporës, Donika Gërvalla, pati takim me sekretarin e përgjithshëm të Këshillit të Evropës, Alain Berset.
Gërvalla, në një postim në X, tha se me Berset diskutoi mbi arritjet e dukshme të Kosovës në forcimin e demokracisë, sundimit të ligjit dhe të të drejtave të njeriut.
Ajo tha se qytetarët presin që së bashku të konsolidohen vlerat dhe të përfitojnë nga mekanizmat e mbrojtjes së Këshillit të Evropës.
“Një takim i shkëlqyer me sekretarin e përgjithshëm të Këshillit të Evropës,. Kam pasur kënaqësinë të ndaj arritjet e dukshme të Kosovës në forcimin e demokracisë, sundimit të ligjit dhe të drejtave të njeriut. Qytetarët tanë presin të konsolidojmë së bashku vlerat tona të përbashkëta dhe të përfitojnë prej tyre, nga mekanizmat e mbrojtjes së Këshillit të Evropës”, ka shkruar Gërvalla në X.
