Kryetari Partisë Demokratike të Kosovës, Memli Krasniqi, ka reaguar për letrën e Gjeneralit Bashkim Jashari dërguar Ministrit të Mbrojtjes lidhur me shqetësimet e shumta që kanë të bëjnë me shërbimet ushqimore, mungesën e personelit dhe problemet sanitare, duke thënë se shpërfaqë një gjendje alaramante në ushtrinë tonë e cila kërkon trajtim emergjent nga ana e shtetit.
Krasniqi ka thënë se fatkeqësisht, ajo që është e thirrur për t’a trajtuar seriozisht këtë çështje, Qeveria, moti ka abstenuar nga obligimet e saj karshi ushtarëve.
“Kjo Qeveri, për të disatën herë po e dëshmon se ushtrinë e do vetëm për propagandë dhe fotografi – e nuk i intereson aspak mirëqenia dhe shëndeti i vajzave dhe djemve që me përkushtim i shërbejnë ditë dhe natë atdheut”, ka shkruar Krasniqi në Facebook..
Ai ka shtuar se Partia Demokratike e Kosovës nuk do të qëndrojë duarkryq derisa ushtarët po nëpërkëmbën në këtë mënyrë, duke theksuar se në Kuvend dhe në çdo instancë tjetër, do të kërkojnë transparencë dhe llogaridhënie të plotë nga qeveria.
“Për ushtarët tanë, të cilëve përmes keqmenaxhimit qeveritar po u cenohet morali dhe krenaria, kam vetëm një lutje: mos u dëshpëroni! Angazhimi juaj është boshti i shtetit tonë. Jemi bashkë në këtë sfidë!”, është shprehur ai.
