Policia e Kosovës, ka arrestuar në Viti një të dyshuar se ka tentuar t’i pajisë me viza 58 persona nga shtetet afrikane. Pas intervistimit me vendim të prokurorit, i dyshuari është liruar në procedurë të rregullt.
Hetimet për këtë rast kishin filluar në korrik të këtij viti.
Gjatë kontrollit nga i dyshuari në cilësi të provave materiale thuhet se janë sekuestruar dy telefona celularë, një kompjuter, një USB, dokumente dhe kopje të ndryshme të pasaportave si dhe dëshmi të transaksioneve bankare.
“Pas hetimeve të zhvilluara, më 10.10.2024, është arrestuar i dyshuari mashkull kosovar, për shkak se i njëjti dyshohet se në mënyrë të paligjshme ka tentuar t’i pajisë me viza 58 persona nga shtetet afrikane”, ka njoftuar Policia.
