Ministrja e Industrisë, Ndërmarrësisë dhe Tregtisë, Rozeta Hajdari sot në panelin e diskutimeve “Ekonomia kreative në perspektivë”, përfundoi një diskutim produktiv me ministrin e Kulturës, Rinisë dhe Sportit, Hajrulla Çeku, ministren e Arsimit, Shkencës, Teknologjisë dhe Inovacionit, Arbërie Nagavci, si dhe ekspertë të fushës.
Hajdari tha se Kosova është lider në industrinë kreative në Ballkanin Perëndimor. Gjatë procesit të hartimit të Strategjisë së Specializimit të Mençur (S3), analiza e të dhënave kuantitative dhe kualitative tregoi se industria kreative në vend ka një potencial të jashtëzakonshëm për zhvillim.
“Me strategjinë e re për ekonominë kreative, Qeveria synon të përputh orientimet strategjike të vendit me politikat e Bashkimit Evropian dhe trendet ndërkombëtare”.
Hajdari theksoi se ky potencial do të shpaloset përmes bashkëpunimit, duke siguruar përfitime për qytetarët, bizneset dhe ekonominë, në drejtim të një të ardhmeje të begatë për të gjithë.
