Në përfundim të mandatit të tij në krye të misionit KFOR të udhëhequr nga NATO, gjeneralmajor Özkan Ulutaş bëri një vizitë lamtumire në në zyrën e kryeministrit Albin Kurti.
Duke e falënderuar komandantin e KFOR-it Ulutas për kontributin e shërbimin e tij në fushën e sigurisë, kryeministri Kurti shprehu vlerësimin e lartë për bashkëpunimin e ngushtë, komunikimin, koordinimin dhe bisedat përherë të sinqerta e në frymën e sinergjisë për ruajtjen e paqes e sigurisë.
Në takim u vlerësua bashkëpunimi ndërmjet institucioneve tona të sigurisë e veçanërisht Policisë së Kosovës me Misionin e NATO-s në Kosovë KFOR-in.
Kryeministri nënvizoi edhe rëndësinë e sundimit të ligjit dhe ofrimit të një ambienti të qetë e të sigurt për të gjithë qytetarët e vendit pa dallim.
Towards the completion of his tenure at the helm of the #NATO-led #KFOR mission, Major General Özkan Ulutaş paid a farewell visit to @albinkurti, today. Major General Ulutaş expressed his gratitude for the strong cooperation and dialogue held, in support to KFOR’s efforts. pic.twitter.com/vg1rVNOnTN
— NATO Kosovo Force – KFOR (@NATO_KFOR) October 8, 2024
