Një stuhi e fortë shiu përfshiu Bosnjën gjatë natës, duke përmbytur qytete në pjesët qendrore dhe jugore të vendit, raportoi agjencia e lajmeve, AP.
Shërbimet e shpëtimit në qytetin jugor të Jabllanicës raportuan disa njerëz të zhdukur dhe apeluan për ndihmë nga vullnetarët dhe ushtria.
Agjencia federale e shpëtimit njoftoi se mund të ketë viktima, por nuk specifikoi se sa.
Ndërprerjet e energjisë elektrike kanë ndodhur gjatë natës, ndërsa disa rrugë janë mbyllur për shkak të rrëshqitjeve të dheut.
Në Bosnjën qendrore, zyrtarët raportuan se qytetet Kiseljak, Fojnica dhe Kreshevo janë përmbytur.
