Kryetari i Aleancës për Ardhmërinë e Kosovës, Ramush Haradinaj, i shpreh urime Republikës Federale të Gjermanisë dhe të gjithë qytetarëve të saj për Ditën e Bashkimit.
Haradinaj, në një postim në Facebook, shkruan se Gjermania ka qenë një nga aleatët më të ngushtë të Kosovës, duke ofruar mbështetje të vazhdueshme për zhvillimin demokratik, ekonomik dhe social.
“Gjermania ka qenë një nga aleatët më të ngushtë dhe të palëkundur të Republikës së Kosovës, duke ofruar gjithmonë mbështetje të sinqertë dhe të vazhdueshme për zhvillimin tonë demokratik, ekonomik dhe social. Populli dhe qeveria gjermane kanë qëndruar pranë nesh në momentet më të vështira, duke na ndihmuar për të ndërtuar një të ardhme të ndritur për të gjithë qytetarët tanë”, shkruan Haradinaj në Facebook.
Haradinaj thotë se Kosova është përjetësisht mirënjohëse për mbështetje të paçmuar për të cilën shpreson se do të vazhdojë dhe të forcohet partneritet i qëndrueshëm në vitet që vijnë.
