Ambasadori britanik, Jonathan Hargreaves, në njëvjetorin e sulmit terrorist në Banjskë, ka bërë thirrje që Serbia të marrë masat e nevojshme që autorët e sulmit me në krye Milan Radoiçiq, të sillen para drejtësisë.
Derisa ka kujtuar rreshterin Afrim Bunjaku, Hargreaves ka lavdëruar punën e Policisë për vendosjen e rendit atë ditë, si dhe prokurorëve që kanë ngritur aktakuzën.
“Sot bëhet një vit nga vrasja e policit Afrim Bunjaku dhe ngjarjet tronditëse që ndodhën në Banjskë. I bëj nder profesionalizmit dhe trimërisë së Policisë së Kosovës për veprimin e tyre për të rivendosur rendin më 24 shtator 2023 dhe prokurorëve të Kosovës për punën e tyre duke ngritur aktakuzë. Britania e Madhe vazhdon të kërkojë që autorët e këtij sulmi, përfshirë Milan Radoiçiq, të kapen dhe të sillen para drejtësisë. Ne përsërisim thirrjen tonë ndaj Serbisë që të marrë masat e nevojshme për të siguruar që kjo të ndodhë sa më shpejtë të jetë e mundur”, ka shkruar ai në llogarinë e tij në “X”.
Today marks a year since the killing of police officer Afrim Bunjaku and the shocking events that took place at Banjska.
— Jonathan Hargreaves (@jonhargreaves67) September 24, 2024
I pay tribute to the professionalism and bravery of the Kosovo Police for their action to restore order on 24 September 2023, and to 🇽🇰 prosecutors
1/2 pic.twitter.com/1owK6OSGPq
