Gjermania i dorëzoi Ukrainës një paketë të re ndihme ushtarake, e cila përfshin, ndër të tjera, 22 tanke Leopard 1 A5 dhe më shumë se 60 mijë copë municione 155 mm.
Përveç 22 Leopard 1 A5 që vendi dorëzoi së bashku me Danimarkën, si dhe 61 mijë fishekë municione 155 mm, Ukraina do të marrë gjithashtu edhe 5 automjete të gjurmuara të të gjithë terreneve Bandvagn 206 (BV206), 1 mjet gjurmues Warthog, 3 armë kundërajrore vetëlëvizëse Gepard me pjesë rezervë, 2 radarë vëzhgimi ajror TRML-4D, 10 mitralozë MG3 me tyta dhe 500 grila, 1 milion fishekë për armë zjarri.
Konkretisht, Gjermania i dorëzoi Ukrainës 30 dronë zbulimi Vector me pjesë këmbimi, si dhe 20 dronë zbulimi RQ-35 Heidrun, 20 anije sipërfaqësore pa pilot, 12 dronë zbulimi Songbird, 6 Hornets XR, shkruan reuters.
Paketa e re gjermane përfshin gjithashtu tre tanke për vendosjen e urës Beaver me pjesë këmbimi, 1 automjet inxhinierik të blinduar Dachs me pjesë këmbimi, 6 tanke Wisent 1 për çminim me pjesë këmbimi, 16 radarë vëzhgimi tokësor, 2 sisteme vetëmbrojtjeje helikopterësh Amps, 2 automjete për mbrojtjen e kufirit, 112 automjete (kamionë, furgona, fuoristradë) dhe 8 cisternë Zetros.
Që nga fillimi i pushtimit të armatosur rus të Ukrainës më 24 shkurt të vitit 2022, Gjermania i ka dorëzuar Ukrainës materiale nga magazinat e Forcave të Armatosura Federale me vlerë rreth 5.2 miliardë euro.
Përveç kësaj, më shumë se 10 mijë ushtarë ukrainas iu nënshtruan trajnimit ushtarak në Gjermani.
Së fundmi u bë e ditur se qeveria gjermane po ndan 50 milionë euro shtesë për trajtimin e ushtarëve ukrainas të plagosur.
Më herët, Ministrja e Jashtme gjermane, Annalena Baerbock njoftoi planet gjermane për t’i dhënë Ukrainës një ndihmë prej 100 milionë eurosh deri në fund të vitit
