Aeroporti Ndërkombëtar i Prishtinës “Adem Jashari”, është përballur me vonesa të mëdha gjatë ditës së sotme, ndërsa udhëtarët janë përballur me radhë kilometrike në hyrje të terminalit për shkak të prishjeve teknike.
KosovaNews bën të ditur se vonesat janë kryesisht në hyrje të rampave, disa prej të cilave nuk janë duke funksionuar.
Situata është bërë problematike për pasagjerët që janë duke udhëtuar, të cilët po rrezikojnë të humbin fluturimet e tyre për shkak të këtyre vonesave të papritura.
KosovaNews ka siguruar pamje nga vendngjarja që tregojnë qartë radhët e gjata dhe ndalesat në hyrje.
