Eksperti i Sigurisë, Nuredin Ibishi i ftuar në emisionin “FIVE” në TV Dukagjini, është shprehur se reagimi i ndërkombëtarëve për mbylljen e 5 komunave paralele serbe është i çuditshëm.
Ibishi thotë se këto janë veprime të planifikuara në mënyrë të rregullt, e që sipas tij nuk duhet të ngriten tensione.
“Është e cuditshme që ndërkombëtarët po reagojnë përherë për dicka kur ndodh është legjitime dhe ka të bëjë me shtrirjen e ligjit gjegjësisht është veprim i planifikuar mirë. Mendoj që kjo është çështje legjitime dhe nuk ka nevojë të ngriten as tensione as çështje tjera, Ura e Ibrit mbetet një problem pak më madhor pasi ka qenë cështje e një marrëveshjeje të 2017-tës, mirëpo të tjerat janë sporadike që zgjedhen ,” tha Ibishi.
Ndërsa sa i përket gjendjes së sigurisë në përgjithësi, Ibishi thotë ani pse kishte tendenca nga presidenti serb, për presion të vazhdueshëm, situata mbetet stabile.
“Gjendja e sigurisë në përgjithësi është e qetë dhe stabile me gjithë ato tendenca të Serbisë të presidentit Aleksandër Vuciq që po përdor gjithcka që është e mundshme të bëjë presion të vazhdueshëm, diplomatik e politik por njëkohësisht edhe të këtë prezencë në afërsi të kufirit edhe të forcave ushtarake e njesive speciale,” shtoi Ibishi.
Teksa thotë që “Lista srpska”, ka humbur fuqinë e saj.
“Mendoj që ai ka humb pjesën e strukturave ekstreme në brendi të Kosovës, e lista srpska më nuk është ajo që ka pasur fuqinë dikur, pasi qytetarët tani janë të lirë të vendosin për fatin e vet jo më të instrumentalizuar.”
