Eksperti i transferimeve në futboll, Fabrizio Romano ka bërë të ditur përmes një postimi në rrjetet e tij sociale se Edon Zhegrova do të qëndrojë te Lille, për të paktën edhe një sezon.
Ai ka njoftuar se për shërbimet e tij ka pasur edhe interesim nga skuadra e madhe angleze, Manchester United.
“Lille nuk do ta lërë Edon Zhegrovën te largohet sot, pavarësisht raportimeve që e lidhnin atë me Manchester Unitedin”, ka shkruar Romano në Facebook.
Zhegrova po kalon në një formë mjaft të mirë në këtë fillimsezon, duke shënuar tre gola në kualifikimet për Ligën e Kampionëve.
Sulmuesi anësor është i ftuar nga Franco Foda për ndeshjet e Kosovës që i zhvillon gjatë shtatorit, ndaj Rumanisë dhe Qipros.
