Ka ndërruar jetë në spital 34-vjeçari që u plagos me thikë nga një 25-vjeçar në zonën e Astirit në Tiranë.
Përmes një njoftimi Policia bëri të ditur se i riu ndërroi jetë në spital, pasi nuk i mbijetoi dot plagëve të marra.
Në njoftimin e mëparshëm Policia bëri të ditur se kishte arrestuar autorin 25-vjeçar të ngjarjes dhe po punon për zbardhjen e plotë të rrethanave të saj, shkruan euronews.al
Njoftimi i Policisë:
Tiranë-informacion shtesë
Në vijim të informacionit paraprak të dhënë pak më parë, ku në Unazë të Re, është plagosur me mjet prerës shtetasi A. H., ju informojmë se ky shtetas si pasojë e dëmtimeve të marra ka ndërruar jetë në spital.
Grupi hetimor po punon për arrestimin e autorit të dyshuar dhe sqarimin e rrethanave të ngjarjes.
