Platforma kabllovike e Telekomit të Kosovës “Tv Vala” tashmë ka filluar transmetimin e ndeshjeve të Premier Ligës. Sot dhe nesër do të ketë përballje interesante të kampionatit anglez dhe holandez, të cilat do të transmetohen drejtpërdrejt. Nga tani e tutje, në baqzë të marrëveshjes me DigitAlb, do të transmetohen edhe ligat e tjera evropiale, si Bundesliga.
“Sot në TV Vala
Chelsea – Manchester City
Brentford – Crystal Palace
… si dhe ndeshjet e ditës në kampionatin holandez
Nesër vjen edhe përballja tjetër interesante në Premier League, Leicester City – Tottenham Hotspur”, thuhet në një njoftim nga VALA
Muaj më parë, Telekomi i Kosovës ka arritur marrëveshje bashkëpunimi me DigitAlb. Kësisoj, abonuesve të Telekomit të Kosovës do t’u ofrohen kanalet dhe përmbajtja më e kërkuar televizive në hapësirat shqipfolëse. Këtu përfshihen edhe ligat më të njohura të futbollit evropian.
Në njoftim thuhet se nga kanalet sportive pakot e reja të Telekomit të Kosovës përfshijnë edhe kanale sportive me lojërat e ligave më të njohura botërore, si: Liga Angleze “Premier League”, Liga Gjermane “Bundesliga”, Liga Holandeze “Eredivisie”, përfaqësuesja e Kosovës, FA Cup, kupat e Spanjës, FFF Coupe de France, kupa e Holandës, si dhe shumë evente të tjera sportive.
