Një person ka raportuar se teksa ishte në lëvizje me veturën e tij pas mesnatës të së mërkurës disa persona të panjohur kanë shtënë me armë zjarri në drejtim të tij.
Në raportin 24-orësh bëhet e ditur se rasti ka ndodhur në Prishtinë ku të dyshuarit të cilët ishin me veturën e tyre në lëvizje kanë qëlluar me 2 plumba veturën e viktimës.
Përveç dëmeve materiale, nuk raportohet për të lënduar.
Rasti është iniciuar si “Tentim vrasje”.
“Ankuesi mashkull kosovar ka raportuar se derisa ka qenë me automjetin e tij, person-a të panjohur me veturën e tyre në lëvizje kanë shtënë me armë zjarri në drejtim të tij, ku dy plumba i kanë qëlluar automjetin. Përveç dëmeve të shkaktuara, nuk ka të lënduar. Në vendin e ngjarjes janë gjetur dhe konfiskuar katër gëzhoja. Rasti në procedurë hetimore”, thuhet në raportin e PK-së.
