Policia e Kosovës i ka identifikuar pesë shoferë duke drejtuar automjetin nën ndikimin e alkoolit, me c’rast atyre edhe u ka shqiptuar dënime të ashpra prej 200 deri në 500 euro dhe ua ka ndaluar vozitjen.
Në një njoftim per medie, Policia tregon se në autostradën “Arben Xhaferi” janë identifikuar pesë (5) shoferë duke drejtuar automjetin nën ndikimin e alkoolit.
Sipas njoftimit, shoferët janë gjobiten me nga 200 deri në 500 euro dhe iu është ndaluar drejtimi i mjetit me veprim motorik nga 6 deri në 12 muaj, varësisht nga sasia e alkoolit në gjak.
Policia e Kosovës thekson se do të vazhdojnë me ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor.
Në këtë rast, Policia edhe një herë APELON tek të gjithë pjesëmarrësit në trafik që të kenë kujdes më të shtuar, të respektojnë rregullat dhe shenjat e trafikut rrugor si dhe t’iu përshtaten kushteve të rrugës, për të pasur një siguri më të madhe në trafik./KosovaNews/
