Një rrahje mes disa personave ka ndodhur në një lokal tek qendra “The Village” në Ferizaj.
Zëdhënësi i Policisë për rajonin e Ferizajt, Kanun Veseli tha se rasti ka ndodhur rreth orës 03:50.
“Më datën 03.08.2024 , rreth orës 03:50 policia rajonale ka pranuar një informatë se në një lokal, tek qendra “The Village” në Ferizaj është një përleshje fizike në progres mes disa personave. Patrullat e policisë menjëherë kanë dalë dhe kanë hasur në disa persona të cilët ishin përleshur fizikisht dhe i kanë shoqëruar në stacionin e policisë”, tha ai.
Më tej, Veseli pohoi se në rast janë kyçur dhe njësia hetimeve dhe pas intervisitimit të personave.
Në konsultim me prokurorin kujdestar janë liruar në procedurë të rregullt, ndërsa rasti është cilësuar ” Lëndim i lehtë trupor dhe dëmtim apo asgjësim i pasurisë së luajtshme”.
