Tajlanda ka hequr regjimin e vizave për qytetarët shqiptarë.
Lajmin e ka bërë të ditur ministri për Europën dhe Punët e Jashtme, Igli Hasani, përmes një postimi në Facebook.
Bashkë me Tajlandën, qytetarët shqiptarë mund të udhëtojnë pa viza në 99 vende të botës.
Ministri Igli Hasani në Facebook:
Qytetarët shqiptarë mund të udhëtojnë pa viza në 99 shtete, kjo falë bisedimeve të pandërprera dhe nënshkrimit të marrëveshjeve me disa shtete, së fundmi edhe me Tajlandën.
Ky është një hap i rëndësishëm në forcimin e pasaportës shqiptare dhe në promovimin e imazhit të Shqipërisë në arenën ndërkombëtare.
MEPJ do të vazhdojë punën për forcimin e pasaportës shqiptare kudo në botë.
