Artan Hajrizi, në “Debat Plus”, ka thënë se vëllai i tij Faton Hajrizi, para dy dite kishte shkuar në
Gjermani te banesa e tij.
Sipas Artan Hajrizit, vëllai i tij Fatoni, ka kërkuar të qëndrojë në banesën e tij, por që ky nuk e ka lejuar. Madje, sipas tij, e ka kërcënuar, duke i thënë se nëse nuk del nga banesa e tij për një orë, do t’ia thërrasë policinë.
Tutje, ai u shpreh se Fatoni ia ka marrë dokumentet personale pa lejen e tij.
“Fatoni pa lejen tem m’i ka marrë dokumentet. Fatoni ka ardhë në 7 të mëngjesit para dy dite. Unë nuk e kam strehu në shtëpi. Më ka thirrë në telefon, i kam thënë mos më fut në këso sene. Ai e ka ditë adresën tem përmes Westerunionit që i kam dërgu familjes tem pare. Ai është ardhë këto, unë zilen e kam Hajrizi, i ka mëshu ziles, unë kam dalë me pa kush është, ka qenë 7 i mëngjesit, ka qenë me dikë. I kam thënë prej dritare, çka ka, më ka thënë dua të flas me ty. Kur u ngjit lart, i kam thënë këtu mos mendo që mundesh me nejt. Unë thashë nuk i dua këto probleme, jam njeri familjar, s’i dua këto gjëra, sepse asnjëherë s’kam pasur probleme. I kam thënë një orë i ke afat me nejt, më tha jam ardhë me nejt. Jam grindur me të”, u shpreh ai në “Debat Plus”.
“I thashë nuk ke vend këtu, i thashë e thirri policinë që nuk del prej këtu. I dhashë afat një orë. Më tha po rri një orë edhe po dal. Ai u ardh me m’i marrë dokumentat edhe me ecë. Dokumentat i kam pasur [në tavolinë]. I kam bërë gati letrat për vajzë, pasoshin e kam pasur mbi, m’i ka nxjerrë pa më pyet. Ka menu që mundet me bë diçka me dokumente të mia, por s’mundesh asgjë”, vijoi ai.
