Futbollisti Kylian Mbappe, nesër zyrtarisht do të prezantohet si futbollist i Real Madridit.
Ceremonia do të mbahet me fillim nga ora 12:00 në “Santiago Bernabeu”.
Mediat raportojnë se tashmë ai ka arritur në kryeqytetin spanjoll. Të gjitha biletat për këtë spektakël janë shitur dhe pritet të ketë pjesëmarrje të madhe.
25 vjeçari ka nënshkruar me “Los Blancos” deri në vitin 2029. Ai u transferua si lojtar i lirë por me një bonus prej 100 milionë eurosh.
Ai në fanellën e madrilenëve do ta bart numrin 9.
