Policia e Kosovës ka njoftuar se në afërsi të një lokali në Mitrovicën e Veriut është djegur flamuri i Serbisë.
Në raportin 24-orësh bëhet e ditur se pas shikimit të video-incizimeve “është vërejtur se aty pranë kanë kaluar katër persona të panjohur dhe dyshohet se njëri prej tyre i ka vënë flakën flamurit”.
Zëvendësdrejtori i Policisë për rajonin e veriut, Veton Elshani, ka konfirmuar se bëhet fjalë për flamurin e Serbisë.
Rasti është nën hetim për veprën penale “nxitje e përçarjes dhe mosdurimit”.
