Presidentja e vendit, Vjosa Osmani, në margjina të Samitit të NATO-s në Washington, ka takuar senatorë e kongresistë amerikanë.
Osmani, përmes një postimi në Facebook, ka thënë se i ka falënderuar senatorët e kongresistët amerikanë për kontributin e dhënë për Kosovën.
“Senatorë e kongresistë amerikanë të të dyja partive i bënë jehonë aspiratave tona në kohët më të vështira. Ata ishin zëri i popullit të Kosovës”, ka shkruar Osmani.
Ajo më tej ka thënë se “në Washington D.C., në kuadër të 75 vjetorit të themelimit të NATO-s, i falënderova ata për kontributin e tyre përgjatë viteve, por edhe për përkushtimin e palëkundur për ta forcuar aleancën midis Kosovës dhe Shteteve të Bashkuara!”.
