Shefi i asamblistëve të Lëvizjes Vetëvendosje në Kuvendin Komunal të Prishtinës, Gëzim Sveçla, ka thënë se Lidhja Demokratike e Kosovës ka një tendencë që “të ndahet” në raport me kryetarin e Prishtinës, Përparim Rama.
Sveçla tha se edhe pas postimeve të liderit të LDK, Lumir Abdixhiku, për projektet e Ramës, ai përsëri ka një tendencë që të largohet nga ai.
“Është një tendencë e LDK-së me u nda prej Përparimit, kur është fillu Rruga A, lideri i LDK-së për 2 muaj i ka pasur 5 postime për Rrugën A dhe Përparimin. Tash është një tendencë me ikë prej Përpariit, LDK-ja është e mirë po Përparimi nuk po është produktiv”, ka thënë Sveçla në T7.
