Kryeministri i Kosovës, Albin Kurti, e ka uruar liderin e Partisë Laburiste, tashmë kryeministër i ri, Keir Starmer, pas fitores së zgjedhjeve në Britani.
Në një postim në “X”, Kurti i ka uruar Starmer-it të gjitha të mirat në drejtimin e vendit, duke thënë se pret bashkëpunim.
“Urime për Keir Starmer dhe Partisë Laburiste në fitoren dërrmuese historike mbrëmjen e kaluar. Ju dëshirojmë gjithë të mirat në udhëheqjen e vendit dhe presim bashkëpunim”, ka shkruar Kurti në platformën X.
Po ashtu, të premten, edhe presidentja e Kosovës, Vjosa Osmani, ka uruar Keir Starmerin për fitoren e tij historike në zgjedhjet në Britani, duke shprehur besimin në forcimin e lidhjeve mes dy vendeve.
